Воведување интерактивна обука за објава на пресуди од јавен интерес, правилна примена на правната терминологија кај новинарите кои известуваат од судските рочишта, поголема активност на судовите на социјалните мрежи и унапредување на соработката на судиите и новинарите со цел зголемување на јавната доверба во судскиот систем, се само дел од програмските активности на кои Судско медиумскиот совет ќе работи во следните две години. На работилницата на советот, одржана од 29 – ти до 31 мај, на тема „ЗАЈАКНУВАЊЕ НА УЛОГАТА ЗА СУДСКО МЕДИУМСКИОТ СОВЕТ ВО УНАПРЕДУВАЊЕ НА СУДСКАТА ТРАНСПАРЕНТНОСТ И ЈАВНАТА ДОВЕРБА ВО ПРАВОСУДНИОТ СИСТЕМ„ судиите и новинарите беа едногласни дека напредокот во меѓусебното разбирање и соработка се евидентни и од корист како за претставниците на третата власт така и на медиумите. Сепак, со напредокот на технологијата, наплив на нови информативни портали, ширење на лажни вести и шпекулации на социјалните мрежи, очекувањата на голем медиумски интерес за претстојните постапки поврзани со трагедијата во Кочани, како и изборот на нови судии, Советот смета дека соработката, обуки и работилници треба да продолжат и да се прилагодат на современите текови за работа. Во тој правец, Судско медиумскиот совет во наредните две години, согласно новата програма за работа, ќе продолжи во реализација на меморандумите за соработка со Здружението на новинари на Македонија и Академијата за судии и Јавни обвинители, ќе ја продлабочи соработката со младите новинари и судии и ќе работи на поголема транспарентност на судовите како и квалитетно и професионално известување од судењата.

Прочитај повеќе...

Недостиг од судии и финансии – Јавните седници и присуството на новинарите ја зголемуваат довербата

Прочитај повеќе...

Судско медиумскиот совет на средба со Директорот и Заменик директорот на Академијата за судии и јавни обвинители договорија нови проекти и активности во рамки на веќе потпишаниот Меморандум за соработка. Па така, претставниците на советот и раководството на Академијата се на заеднички став дека е потребно зголемување на фондот на обуки за кандидатите за судии и јавни обвинители како и едукативни работилници за веќе именуваните функционери на судската власт. Судиите и новинарите кои се членови на советот во иднина ќе придонесат за воведување интерактивни обуки во кои судиите и новинарите ќе разменат мислења и искуства во делот на јавна објава на пресуди кои се од интерес на јавноста со примена и на модерната технологија за пренесување на главните расправи, користење на социјалните мрежи од страна на судовите, а се во правец за поголема отчетност на судиите, методи кои веќе се применуваат во Кривичниот суд Скопје. Академијата за судии и ЈО, пак со свои претставници ќе придонесе во обуките на младите новинари во правец на поголема едукација за применување на Законските одредби при известување од јавните судски расправи. Денешната средба со Академијата е дел од програмската активност на Советот во правец на унапредување на соработката со сите релевантни институции кои може да влијаат на професионално зближување на новинарите и судиите се со цел подигнување на јавната доверба во правосудниот систем.

Прочитај повеќе...

Судско медиумскиот совет денеска оствари средба со претставници на Здружението на новинари на Македонија во правец на реализирање на проектите од Меморандумот за соработка за унапредување на транспарентноста на Судскиот систем. Двете страни се согласија дека е потребно да со продолжи и унапреди меѓусебната професионална соработка, која е клучна за остварување на заедничките цели. Утврдено беше дека ќе треба да се работи и на унапредување на истата преку нови активности. Во таа насока, на состанокот е заклучено дека двете организации во иднина ќе учествуваат на заеднички проекти во правец на : Обострани обуки и работилници од новинарите за судиите и судиите за новинарите за доследно почитување Законските одредби за јавност на судењата, поголема отчетност и транспарентност на судовите пред граѓаните како и обуки за правната терминологија неопходна за професионално известување од судските расправи. Подготовка на регистар за судски процеси кои се водат против новинари и медиумски работници како и соодветна судска пракса на правосилни предмети против новинари и медиумски работници. Учество на судиите и новинари од Судско медиумскиот совет во рамки на Тренинг – Академијата за новинари ( Т – АЈМ ) како и други работилници, обуки и Конференции организирани од Здружението на новинари или Здружението на судии во чии рамки е и Судско Медиумскиот совет.

Прочитај повеќе...

Судско - медиумскиот совет укажува дека правото на Јавност во судница е едно од основните начела кои гарантираат фер судење и овозможуваат транспарентност на судските процеси, освен во постапки каде постојат стрикни Законски ограничувања за исклучување на јавноста. Заради тоа, Судско - медиумскиот совет смета дека е потребно, доследно да се почитуваат одредбите од Законските акти и Судскиот деловник кои го регулираат присуството на јавноста на судските расправи како и препораките објавени од на веб-страницата на Врховниот суд на РСМ и на Судско-медиумскиот совет. Во однос на последниот случај во Основниот суд во Велес каде на новинарка на порталот Дума.мк не и било дозволено да присуствува на јавна судска расправа, Советот смета дека: Во духот на јавно и транспарентно судење, како и почитување на препораките на Европскиот суд за човекови права, судот е должен да обезбеди услови за следење на јавните расправа, особено на претставниците на медиумите, Меѓународните набљудувачи и Невладиниот сектор во земјата, со цел да се обезбеди доследно, точно и прецизно информирање на јавноста за судските постапки. Судско медиумскиот совет ги охрабрува новинарите и судиите заеднички да ја направат правдата повидлива и подостапна до граѓаните.

Прочитај повеќе...

Видео сторија на Види Вака за Судско - медиумскиот совет

Прочитај повеќе...